"ერთი დეტალია, რომელიც საქართველოს ნაკრებს უდიდეს წარმატებას მოუტანს" – ვილი სანიოლი უკრაინასთან მატჩის წინ

საქართველოსა და უკრაინის ნაკრებების მატჩის წინ, რომელიც დღეს, 15 ნოემბერს, ბათუმში გაიმართება, ვილი სანიოლმა პრესკონფერენცია გამართა და თამაშის სტრატეგიაზე, დაცვის ხაზზე და ნაკრების მომავალ გეგმებზე ისაუბრა.

თამაშის გეგმა

სანიოლის თქმით, მატჩი სანახაობრივი იქნება და ნაკრები შეტევაზე იქნება ორიენტირებული:

"ხვალინდელ მატჩში ბევრ შეტევას იხილავთ. უკრაინა ძლიერი ნაკრებია და ეს წინა მატჩშიც გამოჩნდა. უფრო აგრესიულად უნდა ვითამაშოთ, ვიდრე წინა შეხვედრაში - ეს ყველაზე მთავარი კომპონენტია, რითიც წარმატების მიღწევა შეგვიძლია."

დაცვის ხაზი

მწვრთნელმა აღნიშნა, რომ გოგლიჩიძე და დვალი ვერ დაეხმარებიან გუნდს, თუმცა მათი შემცვლელი ფეხბურთელები მზად არიან:

"სამწუხაროდ, გოგლიჩიძე და დვალი არ გვეყოლება, მაგრამ გვყავს ფეხბურთელები, რომელთაც მათი შეცვლა შეუძლიათ."

კონტრაქტის გახანგრძლივება და ნაკრების მომავალი

სანიოლმა საქართველოს ნაკრებში განვლილ პერიოდზე და მომავალ გეგმებზე ისაუბრა:

"ბოლო წლებში საქართველოს ნაკრებში ბევრი რამ შეიცვალა. წინ ბევრი გეგმა გვაქვს. ახალგაზრდა და გამოცდილი ფეხბურთელების მიქსი გვაქვს. შანსი უფრო მეტ ახალგაზრდას უნდა მივცეთ, რომლებიც სამომავლოდ ჩვენი ნაკრების შეუცვლელი წევრები იქნებიან. უბრალოდ, პრობლემა ისაა, რომ ამხანაგური მატჩები ხშირად აღარ გვაქვს და ყოველი მატჩი ჩვენთვის მნიშვნელოვანია. მაგალითად, გასულ წელს ტაილანდთან ამხანაგური მატჩი ჩავატარეთ, ასეთი თამაში იშვიათად გვექნება."

ჯგუფიდან გასვლის შანსები

სანიოლმა თავისი მიზნები და გუნდის მოლოდინები განმარტა:

"ჩვენი მთავარი მიზანი ისაა, რომ მაქსიმუმი ჩავდოთ, საუკეთესო თამაშები ვანახოთ და შედეგიც მოვა. რა თქმა უნდა, მიზანი ორივე შეხვედრის მოგება და ჯგუფში პირველი ადგილის დაკავებაა. ამის გაკეთება ყველას შეგვიძლია."

სანიოლის განცხადებები გულშემატკივრებისთვის პოზიტიური სიგნალია და იმედს აძლევს, რომ ნაკრები აგრესიული და მებრძოლი სულისკვეთებით იასპარეზებს დღევანდელ შეხვედრაში