NBA | ცრემლები და სამმაგი დუბლი - დუეინ ვეიდი ღირსეულად წავიდა » SportMix.Ge - სპორტის სამყარო !
  • ჩვენს შესახებ
  • დაკავშირება
  • რეკლამა
  • სტატისტიკა
  • წესები
  • შემოგვიერთდით

    ცხრილები

    რეკლამა

    კალათბურთNBA | ცრემლები და სამმაგი დუბლი - დუეინ ვეიდი ღირსეულად წავიდა


    NBA-ს რეგულარული სეზონის დასრულებასთან ერთად, ორი უდიდესი ეპოქაც დამთავრდა - დირკ ნოვიცკიმ და დუეინ ვეიდმა კარიერის უკანასკნელი მატჩები ჩაატარეს. გერმანელმა ბოლო შეხვედრაში ორმაგი დუბლი შეასრულა (94:105 სან ანტონიოსთან), ვეიდმა კი - სამმაგი დუბლი (94:113 ბრუკლინთან).
    NBA | ცრემლები და სამმაგი დუბლი - დუეინ ვეიდი ღირსეულად წავიდა
    25 ქულა, 11 მოხსნა და 10 პასი - ‘ფლეში’ კალათბურთის დიდი სცენიდან ღირსეულად წავიდა. ემოციებით დატვირთული საღამო ოდნავადაც არ გააფუჭა იმ ფაქტმა, რომ ვეიდმა 13 სამქულიანი ესროლა და მხოლოდ 3 ჩააგდო, კარიერაში კი ყველაზე ცუდი +/- კოეფიციენტი ჰქონდა (-17). თანაგუნდელები ვეიდს მაქსიმალურად ხელს უწყობდნენ, რომ იმდენი ესროლა, რამდენიც უნდოდა და დუეინმაც თავს ამის უფლება მისცა.

    ეს ყველაფერი ვეიდის უახლოესი მეგობრების, ლებრონ ჯეიმსის, კრის პოლისა და კარმელო ენტონის თვალწინ ხდებოდა. 37 წლის ვეიდი უდიდესი ოვაციების ფონზე გააცილეს, თავად ‘ფლეშმა’ კი, რა თქმა უნდა, ცრემლები ვერ შეიკავა.
    “ჩვენ ძმებივით ვართ. ეს უფრო მეტია, ვიდრე კალათბურთი,” - განაცხადა მატჩის შემდეგ ლებრონ ჯეიმსმა.
    კარმელო ენტონი, დუეინ ვეიდი, კრის პოლი და ლებრონ ჯეიმსი 'ფლეშის' ბოლო თამაშზე
    კარმელო ენტონი, დუეინ ვეიდი, კრის პოლი და ლებრონ ჯეიმსი 'ფლეშის' ბოლო თამაშზე
    აღსანიშნავია, რომ მაიამი ჰიტი NBA-ს პლეი ოფში ვერ გავიდა. აი, ბრუკლინმა კი აღმოსავლეთ კონფერენციაში მე-6 ადგილი დაიკავა, რასაც თვით ნეტსის ფანებიც კი არ ელოდნენ. პლეი ოფის პირველ რაუნდში ბრუკლინი ფილადელფიას შეხვდება.
    NBA-ს რეგულარული სეზონი დასრულდა და, შესაბამისად, ცნობილია, ვინ ვის და როდის ხვდება პლეი ოფში.


    24

    12-04-2019, 14:32

    Уважаемый посетитель, Вы зашли на сайт как незарегистрированный пользователь.
    Мы рекомендуем Вам зарегистрироваться либо войти на сайт под своим именем.